TVB劇集《法證先鋒IV》今天（24日）試造型，李施嬅(Selena)今次首次挑戰飾演法醫，為此Selena也特意去做一些搜集，「睇吓一啲外國嘅法醫劇集，同埋有問一啲法醫嘅朋友睇吓可以點做好呢個角色，因為其實大家都可能會同頭三部作出比較，相隔多年，第四部都想感覺有少少唔同。」
李施嬅在劇中飾演一名法醫。
平常身邊的人可能比較難以接觸到法醫這個職業，而施嬅直言當初認識這些朋友真的要找人介紹才認識得到，「佢哋都係正常人，你唔會覺得佢係一個法醫，佢只係一個人囉，所以其實真係要上網做吓搜集睇佢哋做法醫嘅經歷。」
施嬅劇中是一名常做運動的人，所以她非常積極地鍛煉身體。
據說Selena的角色原本是由胡定欣飾演，有傳因為胡定欣和陳煒不合，所以定欣便推掉這角色，施嬅對傳聞一頭霧水，「其實好早期小青姐已經mark咗我，之前仲有一個報導話我頂替咗楊怡個角色添，大家都搵我頂，我頂得邊個呀，又頂定欣又頂楊怡，所以都只係一啲報導嚟，可能最近傳佢離巢，又傳杏兒會開公司，其實都係花邊新聞。」
施嬅笑言最近太多花邊新聞，有傳杏兒開工作室，作為好姐妹的施嬅也笑指有叫杏兒力棒自己。
早前新聞爆出黃浩然太太與一名已婚的廣告製作人私下互傳親密短訊，今天（24日）黃浩然出席TVB電視劇《法證先鋒IV》造型活動亦面露笑容，心情並未受此新聞影響。
浩然對於看見這新聞表示不是很生氣：「我回應過其實係一單笑料，但其實係笑料但傷害都好大，始終唔係一單好新聞，咁我自己係呢一行當然唔怕，但譬如大仔，我嘅劇集出街時我個仔都會問我尋日做咗乜，因為佢同學都會睇，會話返畀佢知，我廣告出街佢同學都會傾，變咗我擔心呢類型新聞小朋友會睇到，因為佢哋心智未成熟，消化唔到，家變實驚?，當然太太都會唔開心，始終唔係正面事情，自己責任要保護家庭，保護太太，保護小朋友，希望事件唔回應，冇嘢出就最好，啱啱都有人提我12月1號結婚週年，突然諗返起我哋都13年，經歷好多事，呢嗰係小問題，已經過去咗。」
各大傳媒都收到告密信，信中除了一些曖昧對話，亦有不少合照。
至於事件始末，就是大半個月前，各大傳媒都收到１９頁的告密信，內容是黃浩然太太與男友人在facebook對話的截圖及二人合照，對話內容是否過火，就見人見智，但就相當有玩味，的至於這件事情是為何會傳出來，浩然直言不說了：「唔去考究啦，做好返自己責任，好好咁去保護返佢哋！」
预览时标签不可点收录于话题#个上一篇下一篇